He thu hi vawiina Serlui Block Congress Conference Viarengte Community Hall a neih a hmanpuinaah sawiin Pu Lal Thanhawla chuan, BJP chuan tihchhiat theih zawng zawng an ti chhe mek niin a sawi a, Reserve Bank of India an tichhia a, CBI an tichhia a, hemi hnuah Election Commission thunun an tum leh mahse a harsa hle niin a sawi a, hemi avang hian nakum a rampum inthlanpui turah Congress kaihhruai Sorkar a ding dawn niin a sawi. Pu Lal Thanhawla chuan, kuthnathawktuten an mahni kut kawih ngeia an dinchhuah theih nan NLUP an houtten an duang niin a sawi a, Lal Isua lam tang a nih avangin hmuhsit leh elsenna karah NLUP chu hlawhtling takin an kalpui niin a sawi a, hemi avang hian rampumah GDP sang zual state 4 zingah Mizoram chu a tel pha hial niin a sawi.
Serlui biala Congress Candidate Pu Anggu Lalhmachhuana pawhin thusawiin Serlui bial hmasawnna chu a ngaihpawimawh ber a nih tur thu sawiin he biala MLA lo ni tawh te hmalakna tha te chu thlantlin a nih chuan a chhunzawm zel tur thu sawiin Serlui bial tihmasawntu a nih theih nan amah chu vote turin mipui te a sawm bawk.
