Vawiina Congress Bhavan hawnna inkhawmah Pu Lal Thanhawla hian CAA chu Politics a ni satliah lova, sakhaw thleng phak thil a nih a nih avangin ngaihtuah chian a ngai hle a ni, a ti a. BJP kaihhruai sorkar laipuiin he dan thar a siam nachhan ber chu Hindu sakhaw tihlen tumna a ni a, ram \henawm zingah Bangladesh, Pakistan leh Afghanistan a\anga lo lutte he dan hmanga India khua leh tui nihna pek theih an nih laiin Hindu awm tlemna Myanmar chu telh a ni lova, hei hian an thil tum hi chiang takin a nemnghet a ni,a ti. Pu Lal Thanhawla chuan, CAA-in ILP nei State a huam ve loh tur thu sawi a ni chu innghahna tlak a ni lo tih sawiin, CAA-ah hian ILP nei State a huam loh tur thu chiang taka ziak a ni em tih hriatchian a ngai a, chik taka ngaihtuah chuan CAB kha Hmarchhak bial mipuiten nasa taka an dodal avangin ILP nei state a huam loh thu hi Union Home, Amit Shah-a’n a phuahchawp mai ni a nih a rin thu leh Jammu and Kashmir pawh khati taka an khawih che ngam a nih chuan ILP pawh hi a him lo tih a chiang hle a, hei hi insawi\haihna mai mai ni lovin thil thleng thei a nih avangin in ngaihtuah harsah a ngai a ni, a ti a. CAB chungchangah Mizoram mipui duh dan hnawla MNF kaihhruai sorkar-in a thlawp ta mai chu a pawi hle a, Mizoram chu India rama Kristan sorkar awm chhun a nihna zawna ngaihtuah pawhin a pawi a, he thutlukna avangin hian \henawm State-te pawhin pawi an ti hle tih a sawi.
Pu Lal Thanhawla chuan, CAA tihhlawhtlin a nih tawh avangin BJP-in Hindu lal ram dinna atana an hmalak tumna pakhat, Hindu sakhaw tih dan mila ram kaihhruai an tumna, Uniform Civil Code chu nasa lehzuala dodal a ngai tih sawiin, ringtuten hmanrua an neih \hat ber \awng\aina nen an do a \ul hle tih a sawi.
