MPCC Legal Deptt. sawi danin, kumin March ni 13-a Assembly House CAG Report pharh takah khan CAG hian ramri hrula District 2 – Lunglei leh Champhai-a RD Block pahniha khaw 77 awm zinga khaw 24-a BADP sum an hmanna an chhui ching a, hetah hian sum leh pai tam tak fel lo leh dik lo a hman a awm ngei a ni tih CAG hian an hmuchhuak a. Hemi chungchangah hian CAG chuan FIR theh luh ni se tiin a rawt hial a ni, an ti a. Tuna MNF kaihhruai Sorkar chuan CAG Report hi bawhzuia FIR thehluta a \ul anga hma an lak an beisei laiin tun thlengin hmalakna a la awm lo tih MPCC Legal Deptt. hian an sawi a, mipui sum tam tak dik lo taka hmangtute hi zawng chhuaka dan anga hrem an nih theih nan hma la turin Lok Ayukta Chairperson hi an ngen a ni.
MPCC Legal Dept in CAG Report behchhan-a BADP sum hman dik loh nia sawi hi kum 2012 leh 2017 inkara thleng a ni a, hei hi Congress sorkar hunlai a ni a, hetih hunlaia Rural Development Minister Pu R Lalzirliana chu tuna MNF sorkar-a Power Minister ni mek lai a ni.
