MPCC-in thuchhuah siamin Mizoram Assembly inthlanpui vote chhiar hunah BJP ten hmarchhak bial state danga an lo tih tawh angin sorkar siam turin sum hman an tum nia sawiin, an thil tum hi mipuiten lo hre lawk se an duh tih an sawi.

Hemi chungchang hi an party chuan an hriat lawkna a rei tawh thu leh an puanzar chuan mipuiten tlin loh an hlauh vang anga an ngaih theih dawn avangin an puangzar lova, hetihrual hian kumin October ni 26-a MPCC President, Pu Lal Thanhawla’n Congress Bhavan-a thu a sawinaah Meghalaya inthlan ang mai khan Mizoram inthlanah pawh BJP te hian inthlan zawhah MLA lei an tum dawn a, hemi atan hian CRPF emaw, Assam Rifles hmunah emaw pawisa cheng vaibelchhe tam tak an dah \ha nia a hriat thu an lo sawi tawh nghe nghe niin an sawi a, hei hi a dik tih nemnghet turin phai lam a\angin MPCC chuan thu a dawng zui niin an sawi a ni. Inthlan vote thlak hma November ni 27 khan MPCC chuan General Secretary, Pu RL Valla hmingin ECI-ah lehkha an thehlut a, hetah hian BJP pawisa ni thei awm phur lirthei Mizorama lo lut turte chu ramri depah chik taka enfiah tura ngenna thehluh a ni tawh bawk niin an sawi.

Hetiang hi thil awmdan a nih avangin MPCC chuan Mizo mipuite sakhuana leh rinna ti derthawnga, Hindu lalram din tumtu BJP-in Mizorama sorkar an siam loh nan venpui turin a ngen a ni.