Vawiina Aizawl Press Club-a thuthar lakhawmtute a kawmnaah MPCC thupuangtu Pu Lallianchhunga chuan, Budget session neih zawh tak a\anga a lan danin Minister te chu an kut phuar a ni dawn tih a lang a ni a ti a. Minister \henkhat Department lian tak tak enkawltute chu an Department enkawla hnathawhna tur Budget Head-ah dah sak an ni lova, hei hian Department lian pui pui changtu Minister-te chu hnathawk thei lova siam tum an nih zia a ti lang chiang hle a ni, a ti a. Hetianga Minister \henkhat hnathawhna tur sum pek an nih loh lai hian Chief Minister enkawl Finance Department hnuaiah amah tlawn thiam apiangte hnena sihchhuah tur, ‘a khawnpui’-ah Rs. vbch. 1,220 dah a ni thung a, Budget session neih lai ngeiin Chief Minister fachuam, Minister of State Pu Robert Romawia Royte hnenah ‘A khawnpui’ a\ang hian cheng vaibelchhe 11 pek nghal a ni a ti a, Cabinet Minister leh Minister of State dang zingah tumah ‘a khawnpui’ a\anga sum pawtchhuak thei an la awm loh laia Minister zinga politics-a junior ber, Pu Robert Romawia Royte-in hetianga sum a pawtchhuak thei hian an inkungkaihna \hat bik zia a tilang chiang hle tih Pu Lallianchhunga hian a sawi.
Pu Robert Romawia Royte chu a kalkawnga awm apiang pal bawrh bawrh-ah Pu Lallianchhunga hian a puh a, Dy. Chief Minister Pu Tawnluia ngei pawh a dim chuang lova, tun thla ni 5-a Zarkawta High School Field-a Field chhawng siam a nih tur thu social media-a a puanzar chu Central lama Urban Housing hotute nena an sawi ho hnu a puang niin a insawi a, he Field chhawng siam tur hi UD & PA-hnuaia Smart City project-a hna kal lai mek engemawzat a\anga sum hmanna tur a ni a, hetiang a nih mek laia UD & PA changtu Dy. CM Pu Tawnluia rawn miah lova, a hming\hatna tur tam tak lak \hensak sak tuma ama thua hetiang a puang mai hi thil nihphung a ni lo hle a ni, a ti.
Chief Minister fachuam Sports Minister chet dan chuan Minister \henkhatte kut phuar a nih zia leh, chutiang kara CM malsawmna dawngtute chet nat theih si zia a tarlang chiang hle niin MPCC chuan a ngai tih Pu Lallianchhunga hian a sawi a, Dy. CM tlan khalh tuma Pu Robert Romawia Royte chet vel dan hian MNF party-ah ‘Vangvat Kaite’ hlutna a tlahniam ta hle tih a lantir a ni a ti.
