Vawiina Congress Bhavna-a inkhawmah Pu John-a chuan, Chief Minister, Pu Zoramthanga ber pawhin buaipui ber tur a hre lo tih sawiin, an sorkar hmasak khan lei verh a tuipui a, tuna an sorkar tirh khan kawng chhawng a sawi nasa leh viau a, a hlawhtlin tak tak hmain cable car a buaipui leh daih tih sawiin, a thusawiah hian eng ber hi nge awih tur tih mipuiin an hre thei lo a ni, a ti.
Pu John-a chuan, mau ching tur thlan chungchangah MNF party worker-te an intibuai nasa tih a sawi a, Mau chinna tura an thlan khaw \henkhatah phei chuan an thlan chhuah zingah MNF party mi an tam vak loh avangin an thlan \hat leh ringawt thu leh MNF party worker-te chu mau chin tak tak aia a chinna tur pawisa dawn chiah thlahlelah a puh.
MNF kaihhruai sorkar chu MLA-ten an bial chhunga hmasawnna hna an thawhna tur MLA Local Area Development Fund pawh pechhuak hleithei lovah puhin, Pu John-a chuan, SEDP hnuaia nuai 3 sem tura an tih pawh an sem thei lo tih a sawi a. Pawisa an neih loh avangin contract hmuh inbeisei a ni tina Hnam Run kal \hinte pawh an beidawng a, thingtlang lama an party worker-te tan phei chuan beidawnthlak tak a nih thu leh MNF sorkar hnuaiah Mizoram mipuite beisei hmuh tur engmah a awm loh avangin sorkar rei chi an nih loh thu a sawi.
He inkhawm hi MPCC Secretary, Pu Lalhmachhuana’n a kaihruai a ni.
