Thuchhuah a siamah Pu Sawta hian, khawvelin hun khirh tak a tawn mek kara inkharkhip kalpui mek chu inenletna remchang atan sorkarin hmang se, bul \an thar leh nan Blue Print leh Road Map fel tak buatsaih thei se a duh tih a sawi a. Mipui pawhin tuna an hun tawn khirh tak avang hian Sorkar thu an awih thei leh zual dawn a, he hun harsa hi – Traffic Jam tireh tura Transport Demand Management system hmanga chinfel dan tur te, Aizawla bawlhhlawh chhia leng tam lutuk tihtlem dan tur te, hmasawnna hna \ha zawk thawh a nih theih dan tur te, hriselna leh a kaihhnawih lama hmalakna leh zirna changtlung zawk neih dan tur te, Department tam taka sum sen thlawn \hinna paih thawl dan leh thil \ha zawk tam tak ngaihtuah theihna hun remchang a ni, a ti.
Finance Minister hlui Pu Sawta hian, Khawvel sum leh pai dinhmun tlak chhiat rualin India pawh a bang bik dawn lo tih a sawi a, Central sorkar tan GST hmuh tam theih a nih dawn loh avangin ei leh bara intodelh tura ngaihtuahna hun pawimawh ber leh remchang ber hi holam taka liam tir a nih loh nan, Sorkar chuan hri leng a reh hnua thawh tur ruahman fel sa thlap, mipui hlui nghal thei se \ha a tih thu a sawi.
