Vawiina Congress Bhavan-a inkhawmah Pu Mathana hian, mahni State tana \ha ti lo chunga India ram tan chuan a \ha tia CAB thlawp zawnga MNF party-in an MP an vote tir chu a mak hle a ni, a ti a. India chu mipui rorelna ram a ni a, ram leh hnam leh \hangthar lo la awm turte tana a him loh avangin tlawmngai pawl leh kohhranten CAB an do a, hetichung hian MNF chuan Parliament-ah a thlawp zawngin an MP an vote tir thu an hotupain a puang a, Mizo mipuiten CAA hi an duh lo tak tak a nih chuan VC leh LC inthlan lo awm turah hian CAA thlawp tlattu leh kan do ang ti chung si a Parliament-a ban phara vote-tu MNF chu an hnawl a \ul a ni, a ti.
Mizoram khaw hrang hrangah MNF kaihhruai sorkar chuan khawtual inrelbawlna a suasam nasa hle nia sawiin, Pu Mathana chuan, Krismas hma lawk khan Lunglei district-ah chuan NREGS hnuaia Material Component a\angin khaw tinin an chan tur zat a\anga zaa 25 chu block office a\angin MNF unit hotuten an lachhuak a, party induhsak nan an hmang nia sawiin, Material Component sum hi VEC emaw BEC emaw chauhvin an khawih tur a ni a, hna pawh thawh a nih hmaa party tana pawisa engemawzah induhsakna tura lo lak chhuak mai chu a mak hle a ni, a ti.
