MPCC chhung inkhawm, vawiina Congress Bhavan-a neihah MPCC Communication Dept. Chairman, Pu PC Laltlansanga chuan Kolkata New Town-a Pu Lal Thanhawla ram neih dan leh a rama in a sak mek chu a hmunah a enfiah thu sawiin he ram a neih thu hi Pu Lal Thanhawla hian kum 2013-a Mizoram Assembly inthlan dawn khan a thil neih tarlanna Affidavit-ah tarlang ta se, thu dik lo a sawi a ni dawn niin a sawi a, Pu Lal Thanhawla ram neihna lehkha pek chhuah hnuhnun ber, Mizorama Land Settlement Certificate kan tih ang chi, West Bengal sorkarin Certificate of Record of Title of Land an tih chu kum 2014, July ni 25 khan siam chauh a ni a, he lehkha hi a tuk, July ni 26, kum 2014 khan pek chhuah a ni chauh niin a sawi a ni. Pu Laltlansanga chuan amah ngei, HIDCO Office, Kolkata-ah a kal thu te, hnathawktute chu thil zawh chhuah an harsat thu leh \awngkaa thil an sawi duh loh thu te, thil hriat duh chu RTI hmanga zawt zawk tura amah chu thurawn an pek thute a sawi bawk.
