MPC |halai puipate vawiina \hutkhawm a hmanpuinaah Pu Hmangaiha chuan, Congress leh MNF sorkar-in MIP, Baffacos leh NLUP an kalpui chu CAG in a hlawhchham thu a puang tih sawiin, khati zozai hun leh sum khawhral a ni chunga sorkar hmalakna a hlawhchham hi a zia lo hle a ni, a ti. Pu Hmangaiha chuan, Congress leh MNF chu hnamah chiangin PC Founder President Brig. T Sailo-a’n intodelhna Policy leh Programme a duan kha hmang chhunzawm se chuan BJP in an duh ang angin ban an phar tir lovang a, BJP kaihhruaina hnuaia India rama economic tlahniam zel karah pawh zam lova awm thei tur an ni a. Central hotute hnena pawisa dil kual dil kual lovin, sum hi siam chhuah tur a nih zawk laiin tun dinhmunah Mizoram chu a awm ta rih a ni, a ti.
Pu Hmangaiha chuan Kristiante tan India-a chachin \ha hrilhna kawng a ping hnai tih sawiin, CAA hnua BJP sorkar hmachhawp lian ber chu sakhaw danga in leh theih lohna dan, Anti-conversion Bill a ni a, tunah hian a Draft Bill pawh an peihfel vek tawh nia sawiin, hei hi a hlawhtling a nih chuan Kristian-te an chep phah dawn hle a ni, a ti a. BJP thawhpui RSS thil tum lian ber chu kum 2021-ah Muslim leh Kristian-te India-a awm tawh lo tura hmalak a ni a. India ram pum hi Hindu lal rama siam an tumna chu hmu thiamin, Hnama an chiang theih lo a nih pawhin Hindu lalram tun din tuma hmalakna tal hrethiam turin mipuite a ngen a ni.
