Thenawm state, a bikin Assam leh Tripura-ah Covid 19 kai thar an pun belh zel avangin Mizoram chu thlamuang taka awm theih a ni lo tih MPC hian an sawi a, Assam leh Tripura ramri-a Duty-te nasa lehzuala thuam tha tur leh enkawlna uluk zawk pe turin sorkar an phut a. Covid-19 hri leng vanga state danga tangkhang Mizorama hruai haw, hmun hrang hranga khunghrante chu uluk leh fimkhur taka vil tur leh tunhnaia khunghranna hmun atanga tlanchhuak thawm hriat tur awm ang chu a awm tawh loh nan khauh taka venhimna kalpui turin Sorkar an phut bawk. MPC hian, mahni thiamchan tuma mimal leh chhungkaw thenkhain rim leh hah taka Duty, Task Force te zah lo tak leh thu belhchian dawl lo hmanga social media kaltlanga an puhna thleng thin chu pawi an tih thu an sawi a, lungrual taka thawh ho chu mitin mawhphurhna a ni tih hre thar leh turin Zoram mipuite an ngen a ni.
