MPC Party puipate, vawiina an pawl Pisa-a \hukhawm chuan Myanmar sipai leh Arakan hel pawl inkahna avanga Myanmar-a Zohnahthlak \hahnem tak, Mizoram lama ral tlan ngai hial khawpa an awm chu pawi an tih thu an sawi a. Heng mite harsatna leh manganna chhawk zangkhai tura Mizoram sorkar-in lainat taka a lo dawngsawng chu lawmawm an tih thu leh Myanmar a\anga ral tlante chu tuna an chen lailawkna hmunah thlamuang taka an khawsak theih nan ven himna \ha tawk pe tur leh chhawmdawlna \ha thei ang ber pe turin Mizoram sorkar an ngen bawk. Hetih rual hian Myanmar a\anga lo lutte chu ram danpui leh kaihhruaina anga fel taka chhinchhiah tur leh hun kal zela harsatna awm thei laka inven nan fimkhur taka thil ti turin MPC chuan Mizoram sorkar an ngen a ni.
MPC Party puipate chuan, Mizoram hmun hrang hrangah |angrual Pawl, Zoram People’s Movement-in hma a sawn mek nia sawiin, lawmawm an tih thu an sawi a. Mizoram tluk chhiatna avanga mipuite manganna su kiang tura ZPM hnathawh chu hlawhtling taka hlen chhuah a nih theih nan Zoram mipuite \awiawmna an ngen bawk.
