Puan tawh angin Muslim sakhaw zuitu mipa te hian an nupuite hnenah thuin emaw, ziakin emaw, phone-a message-ah emaw pawh Talaq tih thumal \um thum a hrilh chuan, an inneihna tihtawp a ni \hin a, hei hian sawisel a hlawh hle tawh \hin a, dan bawhchhiatna chi khata chhiar tel tur hian vawi engemawzat pawh beih a lo ni tawh \hin a kum 2017 August ni 22 khan Supreme Court chuan ram danpui kalh a nih thu sawiin hman chhunzawm a lo khap tawh a, dan hmanga tihtawp dan ngaihtuah turin sorkar laipui pawh a lo tih tawh avangin bail theih loh dan bawhchhiatna leh kum thum thleng lung-in tan theihna-ah siam a tum chhunzawm a ni.
Triple Talaq dan hi Muslim Women (Protection of Rights on Marriage) Bill, 2017 hian dan ding lai pathum a siam danglam a, Talaq tih \awngkam hmanga nupui-te \hen tum lakah, a nupui emaw a chhungte hnaiin thubuai an thehluh theihna tur leh an inrem leh thei chuan thubuai sut leh theihna tur dan a zam a ni.
