Taliban leh US ten inbiakna an neih kar khat hnuah, Kabul sorkar tel loin, Afghan politician hlun te chu Russia-ah an \hutkhawm a, mifirfiakte chuan an khingpui te nen \awng\ai hoin an pawl thil tum ziah chhuahna chu an phochhuak a ni.
Taliban pawl hotulu Sher Mohammad Abbas Stanikzai-a chuan Kabul sorkar siam Constitution chu khawthlang lam a\anga lakluh a nih vangin a zawm tlak loh a ni a ti a, Islamic constitution an duh thu a sawi. He inhmuhkhawmnaa sawm ve loh, Kabul President Ashraf Ghani chuan an ram chhung buaina hi Afghan mi zawng zawngte remtihna nena tihtawp anih hnuah ram pawn sipaite chu an inhnukkir ang a ti a, inremna nghet tak ni lo chu pawm a tum loh thu a sawi bawk a ni.
Taliban te chuan Ghani hi US thuhnuaia awmah ngaiin, amah nen hian inremna thuthlung tura inbiak an duh lo thu an lo sawi tawh \hin a ni. Stanikzai chuan heng mi firfiak Sharia dan khauh tak hmanga kum 1996 a\anga kum 2001 chhung Afghanistan-a ro lo rel tawh te hian rorelna hauh bur ringawt lovin, Islamic dan hmanga rorelna an duh niin a sawi a, Afghanistan-a opium ruihhlo siamna, poppy chin chu tihtawp an tiam tih a sawi bawk.
