Tunhnaia Rajasthan-a Muslim mi rawng taka thah, Mohammed Afrajul chu vawiin khan vui a ni. Puan tawh angin Ningani liam ta khan West Bengal mi, Afrajul hi Muslim-a inleh tir tuma mi ngaizawnga puh a nih vangin, Rajasthan-a a hnathawhna hmunah Shambhu Lal Regar chuan nasa taka a sawisak hnuah a hal a, video thla la in, social media-ah a thehdarh zui bawk a ni. Afrajul-a ruang hi nimin tlai khan thlenpui a ni a, a lo hmuaktu an tam em avangin, buaina a chhuah loh nan police pawh \hahnem tak tirh an ni a, Kolkata khawpuiah chuan lungawi lo mi eng emaw zat an pungkhawm a, a pualin state CM Mamata Banerjee vahpa leh Trinamool MP Abhishek Banerjee te chuan bati kengin pungkhawmte hi kawng an zawhpui bawk a ni. Mamata hian Afrajul-a chhungte hnenah zangnadawmna cheng nuai 3 leh sorkar hna pek a tiam a, a nupui Gurfar Bibi pawh a tawrhpui thu, phone-in a hrilh bawk a ni. Congress leh CPM-te pawhin Afrajul thah a nih vang hian hmun hrang hrangah lungawi lohna an lantir ve bawk a, State Congress hruaitu, Adhir Chowdhury leh Trinamool party hruaitu eng emaw zat chu Afrajul-a vuina-ah hian an tel ve a ni.
Chanchin Thar Mohammed Afrajul-a ruang West Bengal-ah vui
