Mizo National Youth Front hruaituten an President, Pu Lalrinawma leh MLA, Pu K. Sang\huama hovin vawiin khan Seling leh Thingsulthliahah ‘Sikpui Fehchhuah’ campaign an nei a, Pu Lalrinawma chuan Mizorama zu card nei zawng zawng chu 71,230 an tling tawh tih sawiin, hei hi Mizoram chhunga mihring awm zawng zawng a\anga chhutin rapthlak khawpin a tam niin a sawi a, zu leh ruihhlovin nasa takin Mizoram a run mek a, kuminah Mizoram Assembly inthlanna neih tura MNF-in thuneihna a chan chuan kalphung thar a siam dawn tih sawiin, an party-in hmasawnna atana a duan, Socio Economic Development Programme hnuaiah Manmower Deptt. din a ni dawn niin a sawi a ni. Pu Lalrinawma chuan kut hnathawktuten an thlai thar chhuah, man man zawka an hralh theih nan a hralhna \ha zawk ngaihtuahpui an ni dawn niin a sawi bawk. Pu K. Sang\huama MLA pawhin MNF-in thuneihna a chan chuan thuneihna sem zaina, ‘Decentralization of Power’ tipuitlingin District tinah District Development Council din a ni ang a, VC te chu thuneihna tam zawk pek a ni bawk dawn niin a sawi. He beihpui thlakah hian MNYF Treasurer, Pu Lalzahawma Khiangte leh General Secretary, Pu Eric Lalthlamuana te pawhin thu an sawi a ni.
