MNREGA hnuaia an hnathawh hlawh an lak theih loh vangin Chhindwara biala mipuite lungawi lo, pawisa an neih loh vangin Diwali pawh lawm ve thei lo

Madhya Pradesh-a Chhindwara biala mipuite chu ni za inhlawhna, MNREGA hnuaia an hnathawh hlawh an lak theih loh vangin an lungawi lo tawh hle a, pawisa an neih loh avangin Diwali pawh an lawm ve thei lo niin an sawi. He biala khaw \henkhat chuan MNREGA hnuaia an thawh hlawh hi thla khat leh a chanve vel chu tihkhawtlai a ni tawh a, khaw \henkhatah phei chuan hlawh hi thla thum an la tawh lo a ni. State Rural Development and Panchayati Raj Minister, Gopal Bhargave chuan he thil hi Delhi-ah amah ngei kala sorkar laipui-a a thlen tawh thu leh, pawisa pawh hmuh thuai a beiseiawm thu a sawi a, Chhindwara bialah hian MNREGA hnuaiah chhungkaw nuai 29 vel an inhlawh a, ni khata cheng 172 zel hlawha chhut pawhin, hlawh tang zawng zawng hi cheng vbc 1,200 vel a tling tawh nia chhut a ni.