Inkhawma thusawiin Pu Zoramthanga chuan Aizawl East I bial mipuite chu hriselna leh hmasawnna kawng hrang hrangah Aizawl khawpui chhung bial dangte nena khaikhinin hmabak a la tam hle nia a hriat thu a sawi a, Zuangtui veng pawh tui \ha tak nei chunga lirthei hmanga chawi ngai te, infiamna mual \ha awm lo te, veng chhung inkalpawhna \ha leh zirna in sang zawk an nei lote chu a vei thu sawiin, kumin Assembly inthlan lo awm turah he biala din a tum thu leh an mamamawhte phuhruksak chu a thil tum a nih thu a sawi a ni. Pu Zoramthanga chuan, kumin Assembly inthlana thuneihna an chan chuan East I bialin hmel thar a hmu dawn nia sawiin, inthlan leh huna campaign ngai tawh lo khawpa hmasawnna thlen tir a tum a, Free Medical Clinic chu a hmahruai chauh a nih thu sawiin, Free Medical Clinic chhimtu mipuite chu duhsakna a hlan bawk.
He Free Medical Clinic-ah hian hmeichhe Doctor, ZR Thiamsanga, Medicine Specialist, Dr. Margaret Z. Khuma leh Ha Doctor-ten damlo an en a, a thlawnin damdawi an pe bawk a ni. Free Medical Clinic-ah hian mi 600 chuang an inentir a ni. Hemi hnu hian Pu Zoramthanga hian Zuangtui veng chhung mamawh hrang hrangte a hmunah kalin a enfiah nghal a, chawhnu lam khan Zemabawk a\anga an party zawmthar mi engemawzat a lawmlut bawk.
