He thu hi vawiin a Aizawl East II huam chhunga an party MLA thar te chawimawina inkhawm Armed Veng South YMA Hall-a buatsaih a hmanpuinaah sawiin Pu R Tlanghmingthanga chuan, sorkar thar chu ram chhung leh pawn a Zofa awm zawng zawng aiawh sorkar a ni tih mipui te chu pawm tur a a duh thu a sawi a, Mitin lenna sorkar din chu MNF duh dan a nih thu sawiin Hnam Run a\angin a kalsual tur an veng reng dawn niin a sawi. Pu R Tlanghmingthanga chuan, Sorkar mamawhtute chu eng party nge an nih zawhna a leng lo tih sawiin, a phu leh mamawhtute chu chawikana \anpui chu an tum a nih thu sawiin Pathian duhdan lal tir chu Sorkar kalphung tur a ni tih sawiin MNF thinlungah hnam sipaite an thi lo tih a sawi bawk.
Power Minister Pu R Lalzirliana pawhin thusawiin MNF chu Pathian leh kan Ram tan titu a nih avangin fimkhur taka a kal a ngai a, Pathian zah tak chunga kal a ngai tih sawiin sorkar \ha din chu an tum ber tur a nih thu sawiin mahni tan nilovin, mipui tan, midangte tana luang chhuak a hamthatna duh avanga hmanhmawh lutuk lovin, sorkar tha tak din turin fimkhur tak a kal turin anparty mipui te a chah.
He biala thlantlin Sports Minister Pu Robert Romawia Royte, chuan, Mizoramin a la neih loh Sports policy thar kum khat chhung ngeia nei turin hma a lak thu a sawi a, a bial chu Mizoram pum a bial entawntlak a siam a tum thu leh inthlan dawna a thutiam te tihlawhlting turin theihtawp a chhuah tur thu a sawi.
Assembly Dy Speaker Pu Lalrinawma, pawhin thusawiin MNF Party chu Pathian leh kan ram tan titu a nih angin Sorkar tha leh mipui sorkar siamtur a nih thu a sawi a, MNF party mi an nih loh avangin tumah hnar tur an nih loh thu leh mipui te \awngtai chhuah an nih na theihnghail lo turin pary mipu te a chah bawk.
Inkhawm hi Aizawl East II Block MNF President Pu H Malsawma’n a kaihruai a, he bial huam chhung a MNF MLA thar te chu chawimaina thuziak leh pangpar an hlan a, tlaiah ruai an theh a ni.
