He thu hi vawiin a Aizawl East I Block MNF Executive Meeting a hmanpuinaah sawiin Pu Lalthlengliana chuan, Assembly inthlanah nasa takin beih tawk mahse Chief Minister bial chu hnehna sang tak chang thei a nih thu a sawi a, hetihlai hian MP inthlanah erawh beisei an pha lo deuh tih sawiin Local Council leh Village Council inthlan lo awm turah erawh chuan a vaia huifai vek an tum tih a sawi.
Pu Lalthlengliana chuan, miten eng angin nge an hmuha an ngaih tih chu an inenfiah reng a \ul thu a sawi a, ZPM thupuangtuin Local Council leh VC inthlen turah an mal din tur thu lo puang tawh mahse Congress nen an thawk ho leh lo ang tih a sawi theih loh a, party zawng zawngin MNF chu beihrawn mahse hnehna erawh MNF in a chang dawn a ni a ti.
An party chu hnam thuthlung vuantute an nih thu sawiin Pu Lalthlengliana chuan, an sorkarin kum khat chhungin hna nasa takin an thawk tih a sawi a, Budget session neih mekah Pu Lalduhoma’n MNF sorkar a bei chu MNF a ngaih ropui vang nia sawiin hun rei lo te chhunga thil zawng zawng ti hman turah a ngai a ni a ti a, sorkar hnathawh that ala hmu dawn chauh a ni a ti.
