Vawiina Lungleia MNF Sub.-Hqrs Pisa hawnna inkhawm a hmanpuinaah Pu Lalthlengliana chuan, CAA chu a ruih chilhte chuan an ruihpui hle tih sawiin, CAB tihlawhtling theitu chu MP zawng zawng zinga hmun 3- a \hena hmun 2 aia tam an awm a, Mizoramah chuan mipui za a za-in an duh lova, Chief Minister, Pu Zoramthanga phei chu hmarchhak biala state dangte pawh CAB dodal tura fuihphurtu ber a ni, a ti a. CAB hi Mizorama Kohhran hrang hrang, Political Party leh NGO ten nasa taka an dodal avangin an duh dan ngaihpawimawhin, an duh loh ber Bill chu an duh dan ang ngeiin a tihhlawhtlin sak a, CAA chu Mizoram huam tir a ni ve ta lova, a lawmawm hle a ni, a ti.
CAA chungchangah Mizo mipui duh dan hnawlin Central sorkar hian Mizoram huam tir ta se, Mizo \halai rual tam tak India sorkar do turin an che chhuak ang a, chung zingah chuan amah ngei pawh a pen chhuah ve tur thu sawiin, hetiang harsatna thleng lo tura CAA-in Mizoram a huam ve ta lo chu a lawmawm takzet a ni, a ti.
Lungleia MNF Party Pisa hawnna inkhawm hi Lunglei MNF Sub. Hqrs. President, Pu Lawmawma Tochhawng Lunglei High Power Committee Vice Chairman nibawkin a kaihruai a, MYC Chairman, Dr. Vanlaltanpuia MLA leh Bamboo Development Board Vice Chairman, Dr. K. Pachhunga MLA te pawhin thu an sawi a ni.
