He thu hi a bial chhung khaw hrang hranga Campaign beihpui a thlaknaah sawiin, Dr. R. Lalthangliana chuan, ZPM-in nikum December maia State Assembly inthlanpuia Zoram mipuiin an hnawl hnu leh MLA 5 chauh nei Congress an thawhpui leh thei chu dinna nghet an neih loh zia ti chiangtu a ni, a ti, hetianga kual kual ai chuan \ul huna eptu lama awm leh MLA nih loh ngam chu a pawimawh tih a sawi. Dr. R. Lalthangliana chuan, Lok Sabha inthlan tura an party Candidate, Pu C. Lalrosanga chu zofate zinga a hna thawhnaah nihna sang ber chelh thei, Pathian \ih tlattu a nih thu sawiin, thlantlin a nih chuan tun hmaa Mizoramin MP a lo neih tawh te ang a ni dawn lo a, Kristianna leh sakhaw vawnghim tlat tur, sap \awng leh vai \awnga duh tawka Parliament-a thusawi thei tur a nih thu a sawi.
Tun hnaia Sorkar laipui hotute dawra a kal \umin RIPANS chu khum 100 awm theihna tur leh Special Hospital a nih theih nan Union Health Secretary a sawipui thu leh hemi atan hian Rs. vbch 480 pek remtih a nih thu sawiin, hemi rual hian Mizorama Cancer Hospital tihchangtlunna tur Rs. nuai 4400 leh Aizawl Civil Hospital tichangtlunna tur forward linkage fund atangin Rs. vbc 16 an pek nghal thu a sawi.
