MNF thalai te hi VLTF hruaituten lo dawngsawngin an dinhmun te an lo hrilh a, Bairabi ah hian duty na hmun 30 chuang a awm a, Phaisenah hmun 5 leh vairengteah hmun 10 ah duty an awm a, a inchhawkin an duty thin tih an lo hrilh a ni. Phaisen duty te hi Kolasib Tumpui Branch YMA in an chhawk thu te, Assam atanga Mizorama luh ruk tum an awm reng avanga ngawrh zawka an duty mek thu te an lo hrilh a ni.
MNYF President Pu Lalrinawma chuan, ramria duty te inpekna chu fakawm a tih thu a sawi a, Covid 19 doletna kawngah Zoram mipuite tan tlanna chuan rah tha a chhuah a, Thingtlang khaw hrang hrangin khawpui miten thlai an nghei hlauva a thawn thin te chu Zonun ze mawi tak, hnam dangah pawh hmuh tur awm zen zen lo a ni a ti.
