He thu hi vawiina Chalfilh biala MNF Campaign hawnna inkhawm buatsaihah a sawiin Pu Tawnluia chuan, Congress chu an hotuten chhungkaw politics an khelh tel avangin an kawng dal thei tura an ngaih te chu an nek chhuak zel niin a sawi a, hei hian an party chhungkuaah inhruipawhna nasa tak a thlen nia sawiin ZNP President pawh Vice Presidnet thawhpui rei thei lo-ah puhin chhungkaw rual zat zet Vice President atan a ruat tawh niin a sawi. Hetihlai hian MNF chu Pathian rawn chunga an kal avangin tun thlengin an President hoin an la thawkho \ha hle tih sawiin hnam sipaite chu Mizo hnam dinchhuahna atana thawktu hmasa an nih thu a sawi a, an hnathawh te an theihnghilh dawn tawh lo tih sawiin an hnungzuia ram leh hnam tungding turin Congress mi chak Pu Lalrinliana Sailo chu MNF ah lawm luh a nih tawh thu sawiin Pu R Lalzirliana pawh lawm luh a ni dawn nia sawiin hei hian kumin Assembly inthlanna-ah thuneihna an chang dawn tih a tichiang niin a sawi bawk.
Chalfilh bial vil tura ruat Pu Lalrinliana Sailo pawhin thusawiin kum tam tak Congress-ah theihtawp chhuahin lo awm \hin mahse an hotupa ber Pu Lal Thanhawla lawmzawng an siam thiam ve lo nge a \hian \henkhat te nen paihthlakin an awm niin a sawi a, Congress chu chak tum leh ram siam tum aiin anmahni vua leh vang invulh len tumin inthlan zawha an duh duha an tih theih turte, bial hima an ngaihah chhungkaw hung deuhte chu an thei sem mai zel niin a sawi. Pu Lalrinliana Sailo chuan, Congress MLA te chu an bialah NLUP nuaikhat \heuh a sem tur a pek ni mah se, inthlan dawn a nih avangin a zatve pawh h>k a, a zatve dang cheng Sing 5 chu midang pek an rawt nia sawiin an rel laia MLA pakhat chuan mipui pawisa an r<k sak dawn em ni tiin zawhna a zawh hial thu sawiin hei hian Congress Sorkar chu a \awp zia a tilang chiang hle niin a sawi bawk.
Inkhawm hi Sesawng Group MNF President Pu C.T Vanlalvuana’n a kaihruai a ni.
