Vawiina Aizawl North I MNF Block Conference a hmanpuinaah thusawiin Pu Tawnluia chuan, Congress leh BJP chu Chakma District Council-ah sorkar siamin an thawkho niin a sawi a, kum 2015-a Aizawl Municipal Corporation inthlannaah leh Assembly bye-election BJP leh ZNP an thawkdun leh niin a sawi. Pu Tawnluia chuan Mizoram Assembly inthlanna neih tura thlantlin an nih chuan Local Council leh Village Council te thuneihna sang zawk pek an tum dawn niin a sawi a, khawtinah Development Committee dinin hmasawnna hna \ha taka thawh a ni dawn niin a sawi bawk.
He inkhawmah hian Aizawl North biala MNF Candidate, Pu Lalringliana AMC Dy. Mayor ni bawk pawhin thusawiin thlantlin an nih chuan Aizawl hmar lama traffic Jam nasa lutuk sutkian dan ngaihtuah a tum thu te, kawng siam\hat hna te thawh an tum niin a sawi bawk.
He block Conference hi Aizawl North Block I President, Pu RC Lalrinliana’n a kaihruai a ni.
