MNF Sawrkar kum khat chuang kal mekah Mizoram hmun hrang hrangah electric eng a mumal loh avangin, Aizawl veng tamtak leh khaw tam takah electric eng hmanga eizawngte an buai hle niin Congress \halaiin an sawi a, electric hman man tihsan tumin sorkarin hma a la mek niin an sawi bawk.

Mipuite hnena hriattirna pe hmasa lova eng tihthim tam lutuk chu hriatthiam har an tih thu leh sawrkar siamtu mipui tham lohna-a an ngaih thu Congress \halai hian an sawi a, electric hman man hi uchuak taka tihpun tumin, 2020-2021 rate thar sorkarin a ruahman niin an sawi aa, sawrkar sum indaih lohna phuhrukna tura mipui tawrhna thlentir tumah an puh a ni.