Mizoram chhim lama campaign beihpui thlak mek Pu Zoramthanga hian an khingpuiten beihna tur dang an hriat loh avangin CAB chungchanga hma la nasa ber MNF chu rem leh rem lovin beih nan an hmang niin a sawi a, CAB dodalin Prime Minister leh Union Home Minister pawh \um 2 ngawt a lo hmu tawh niin a sawi a, Cabinet Meeting-ah pawh an duh loh thu an pass thu leh tunhnaia Budget Session neih zawhtakah pawh na taka an do tur thu an pass leh thu sawiin MNF aia CAB dodal nasa leh hmala nasa an awm lo niin a sawi.
Pu Zoramthanga chuan NDA leh NEDA a tel tia an khingpuiten an beihna pawh chhangin NDA leh NEDA chu Congress duh lo zawng intelkhawmna a ni a, he pawlah hian MNF, MPC, ZNP leh MDF party President \heuhten an hming ziah hnanin an tel vek a ni a ti a, Pu Lalduhoma phei chu NDA zawmna a thara an ziah thu Assembly House a puangah puhin MNF ai pawhin an tlatlum zawk a ni a ti.
Pu Zoramthanga chuan Aizawl North III Bye election leh AMC inthlanah ZNP in BJP an thawhpui a, CADC ah Congress in thawpuiin sorkarna an siampui bawk a ni a ti a, hetichunga eptu pawlten MNF beih nana an hman chu mipui bum tumna a ni a ti.
Pu Zoramthanga hian District Council tana sum ruahman zaa 90 vel chu Sorkar hnathawkte hlawhah a kal zo deuh vek \hin tih a sawi a, mipui tan development a awm thei lo tih sawiin diklo taka sum hman thin chu chhui a nih tur thu a sawi.
