MNF President, Pu Zoramthanga’n kumin Assembly inthlan lo awm tura a dinna tur Aizawl East I huam chhunga Zemabawk leh Zemabawk North chu tukin khan a tlawh a, YMA Hall leh a hmun hma te YMA hruaitute nen an enho.

Pu Zoramthanga chuan Zemabawk leh Zemabawk North YMA Hall chu Mizorama Hall \ha zinga chhiar theih ni mah se a sakna a rei tawh avangin sak\hat a ngai tawh hle niin a sawi a, kumin Assembly inthlana thuneihna an chan chuan \ha zawk leh changtlung zawka siam a nih tur thu leh ngaihpawimawh hmasak a nih tur thu a sawi. Pu Zoramthanga chuan, Aizawl East I bial chu khawpui bial ni chunga tihhmasawn ngai tak nia a hriat thu sawiin hemi avang hian dinna atan a thlang niin a sawi a, Zemabawk Undivided Football League season 4-na a hawng nghal a, thuneihna an chan chuan khelluam sirah mipui entute \hutna tur siam a nih tur thu a sawi bawk.

Pu Zoramthanga hi an party Adviser, Pu Robert Romawia Royte leh East I Block MNF hotuten an \awiawm a ni.