He thu hi vawiina |awi East Block MNF Conference leh Campaign bul\anna inkhawm Saituala neihah a sawi a. Pu Zoramthanga chuan, thuneihna an chan hlimin Congress in District 5 a puan te chu sum harsa tak chungin an tipuitling vek thei niin a sawi a, Saitual, Hnahthial leh Khwzawl District an puan tawh chu kum 10 chhungin Congress sorkarin a ti puitling thei lo nia sawiin, Assembly inthlana thuneihna an chan chuan an tipuitling ngei dawn niin a sawi.
SEDP hmanga hmalakna tur an duan te thil tih theih loh tur anga sawi awm chu chhangin Pu Zoramthanga chuan SEDP hmanga hmalakna tur sum hai chhuah dan tur hre lawk veka duang an nih avangin SEDP chu an tan thil tih hlawhtlin harsa a ni dawn lo niin a sawi a, Congress sorkar hnuaia kawngchhe lutuk chuan State \henawm te nuih a ti za hial niin a sawi a, Congress sorkar chu Kohhran leh mipui duh loh zu zuarah puhin heng avang hian mipuiin inthlanah an hnawl ngei dawn niin a sawi.
Tawi biala MNF ticket a ding tur MPCC Vice President hlui Pu R Lalzirliana pawhin thusawiin MNF leh Congress \angdun tur ang hialin an campaign dinhmun a \ha niin a sawi a, hemi tih chhiat tum hian Congress in pawisa tam tak nen \an la mah se inthlan puan a nih tawh avang leh Model Code of Conduct puan a nih tawh avangin Pu Lal Thanhawla leh a hote vehthlemna leh thusawite chu engahmah ngai tawh lo turin mipui te a chah tih a sawi. Pu R Lalzirliana chuan, Politics-a a mit men lai ngeia a bial mipui ten District an hmuh chu a duhthusam a nih thu sawiin a tihlawhtling theitu tura a ngaih MNF nena thawhdun chu lungsi takin a tithlu ta niin a sawi a, Pu Lal Thanhawla chu thil ti diklotu hrem ngam loah a puh bawk.
Inkhawm hi |awi East Block MNF President Pu C Zalawra’n a kaihruai a, MNF party zawm thar mi engemawzat chu Pu Zoramthanga’n a lawm lut bawk.
