Vawiina kumin atana MNF party office Mizo Hnam Run hawnna inkhawmah thu sawiin, MNF sorkar thar lo piang chuan hna a thawk nghal a, midang dem hman an ni ve lo tih a sawi.
(Audio….. Zoramthanga)
Chief Minister Pu Zoramthanga chuan, Sorkar bul an \an rualin ngaihtuah tur leh enghelh tur tam tak a awm niin a sawi a, thuneihna an chan hmasak Minister ruat tur chungchanga a buai angin tuna sorkar tharah chuan a buai tawh lo tih sawiin, a hahdam thlak hle tih a sawi a, an party MLA ten a remruat ang an pawm zel thei chu Pathian remruat nia a hriat thu sawiin an mamawh tawk chiah MLA Pathian in a pe niin a sawi.
Pu Zoramthanga chuan, SEDP chu MNF ta tur bik chauh ni lovin, mizoram mipui zawng zawng ta tur a ni a ti a, an sorkar chu neitu sorkar a nih avangin huapzo sorkar a ni dawn niin a sawi a, Campaign laia an auhla pakhat, thuneihna semzai pawh a takin an tipuitling dawn tih sawiin AMC pawh tun aia \ha zawka kalpui a ni ang a, mitin in\awm theih sorkar thar an pian tir dawn niin a sawi.
Pu Zoramthanga chuan, sorkar in a tum chu hmun dang atanga thil chawkluh vak nilovin a awmsa tichangtluna leilung hausakna haichhuaka ram tihhmasawn a ni a ti a. An lo tiam tawh angin an theih chinah zu zawrh an titawp nghal tih sawiin, mimal in an zawrh pawh ti tawp turin Assembly Session-ah putluh thuai a ni ang a ti a, fur lo thleng turah harsatna a thlen loh nan kawngpui chhe zual lai te chu siam tura hmalak nghal a ni a ti bawk.
Hnam Run hawnna inkhawm hi an pawl National Core Committee Member Pu K.Vanlalauva’n a kaihruai a ni.
