He thu hi vawiina Hnam R<na inkhawmah sawiin, Pu Zoramthanga chuan Campaign laia an tih tur leh vision \henkhat an sawi \hin, nuihza siam nana an hman \hinte chu Pathian zarah sorkar siam theia an awm chuan ropui leh mak an tih khawpin an la thlen tir dawn niin a sawi a, Aizawl khawpuia traffic jam pumpelh nana Motor Parking leh thil dang tih tur an sawi \hinte pawh mipuiten ropui an la ti hle dawn niin a sawi a ni.
Pu Zoramthanga chuan sorkarna an chan chuan an tih hmasak ber tur chu Bamboo Link road a remchanna lai apianga laih niin a sawi a, chu hna-in a kentel tur hna dang tam tak thawh nghal a ni ang a, an sorkar tirh phata thawh nghal tur chu eptu lama kum 10 an awm lai khan an ngaihtuah chhuak vek tawh niin a sawi a ni.
He inkhawma thusawitu dang an party Sr.Vice President, Pu Tawnluia chuan inthlannaah khan \henkhat chuan sum leh pai hmangin nasa takin vote an zawng niin a sawi a, \henkhat chuan vote thlak zawha an account-a NEDP sum leh NLUP sum thun sak tur te-in vote thlak tur te an thlem niin a sawi a ni.
Pu Tawnluia chuan mi \henkhatin a tih theih dan tur sawifiah lovin kuthnathawktute sawhthing thar kg-ah Rs 50/-in an lei dawn niin a sawi a, hengte hi mipuite bumna niin a sawi bawk a ni. An party Vice President Dr. R. Lalthangliana pawhin, Lunglei District-a Assembly bial 7 leh Chhim lama bial 5 a\angin MNF chuan a chhe berah bial 6 an la dawn niin a sawi a ni.
He inkhawm hi MNF General Secretary, Pu C. Tawnvela’n a kaihruai a ni.
