Vawiina an party office Hnam Run chhung Inkhawnah thu sawiin, Pu Zoramthanga chuan congress sorkar chawh pherh bangnawi mai ni lo, anmahni chaw chhum ngei an hlui hun an nghakhlel nia sawiin, beiseina
sang tak nen an thlir mek niin a sawi a, MLA 26 nei sa an nih avang leh khawvar hnua inthlang tur an nih avangin Pathian leh mipui zarah hnehna an chang ngeia a rin thu a sawi.
Congress leh ZPM thawhona chungchang sawiin, mi tam tak thih phahna Congress party sorkar zu zawrh chhan chu tuna ZPM puipa ni taten thiam taka an fuihpawrh vang niin a sawi a, seminar-ah te, talkshow-ah te zu zawrh an sawimawi a, lehkhabu hial an ziak niin a sawi a, zawrh duh ve ve an thawkho ta niin a sawi a, ZPM hotute chu innghahna, ‘principle-a ding ngam tawh lovah a puh bawk.
MNF President chuan CAB 2016 dona kawngah MNF-in hma a la nasa hle nia sawiin, a CM tirha Prime Minister a hmuh hmasak berin a sawipui nghal niin a sawi a, Home Minister pawh vawi 2 a hmuh phah nia sawiin Assembly Session-ah sorkar resolution-ah meuh an duh loh thu an pass leh bawk tih a sawi a, eptute chuan Sorkar-in an do lo nia sawi tam a, mipui awihtir an tum niin a sawi.
