An party office Mizo Hnam Run Inkhawmah vawiin khan thu sawiin, Pu Rama hian MNF party chu thuthlunga nghet a nih avangin a changa Congress, a hnua Congress for Peace ni mai thei, Janata Dal leh DP ni leh thei mai, duh huna MNF leh mai thei, MNF ‘N’ leh a hnua ZNP ni mai thei leh ZPM ni leh mai thei ang a ni ve lo a ni a ti.
ZPM thlawpa Independent a thlantlin MLA te chungchang pawh Pu Rama hian a sawi a, anti-defection law avangin ZPM zawm ve deuh, zawm ve lo deuhin an awm a ni a ti a, ZPM chu political party anih tawh avangin independent MLA te hian ZPM an zawm chuan disqualify tur an ni si a, ZNP in a bo a bang awm lovin ZPM ah an in chhunglut tih an sawi pawh disqualify theihna a tling nghal a ni a ti.
(mnf hnam run)
Pu Rama hian ‘Congress party rorel lai chu nise, independent MLA te chu house ah an \hu lo reng reng ang’ a ti a, ‘keini erawh chuan \ha te in I kal tlang rih ang u kan ti a, kan la kal rih a ni’ a ti a, Independent MLA te chuan ZPM-a lawmluhte an la nei em tih zawtin, an bengchhen zel chuan loh theih loh chin a awm thei a ni a ti.
Zoram Peoples Movement Legislature Group \hiah a nih hnua Zo Peoples Movement Legislature Group tih din an dilna Speaker in remtih chungchang pawh Pu Rama hian sawilangin, ZPM tih hming pu ve ve a nih avangin sawi hran pawh a har tawh a ni a ti a, Opposition Group hruaitu \hutna pawh Pu Zodintluanga leh Pu Duhoma ten an inthlak leh dawn a, Musical chair te pawh a ang tawh zawk a ni a ti.
Chief Minister hian Congress party pawh khakin, a tuk maia dawt tih langchhuak leh mai tur hmanga sorkar beih pawisa lovah a puh a, “CAB ah Inner line regulation-in a huamte an tel lovang, tih draft bill-ah telh a ni chungin Congress hotupa ber chuan ziaka awm lo, sawi mai mai angin a chhuah duh a ni a ti a, eptu party ten sorkar beihna tur an tlachham a ni a ti bawk.
ZPM General Secretary hlui Pu James C Lalnuntluanga chu Pu Zoramthanga hian MNF party ah a lawmlut a ni.
