Vawiina Remna Ni champha vawi 33-na Aizawl Vanapa Hall-a hmannaah Pu Zoramthanga hian, MNF-in zalenna a sual dan kalkawng kha a bumboh ang bawkin inremna kalkawng pawh a bumboh hle a ni, a ti a. MNF-in zalenna a sualna kawng kha bumboh hle mah se, Pathian remruat a ni a, thil thleng tur hrang hrang chu a thleng zo tawh a, bumboh taka India sorkar leh MNF ten remna thuthlung an siam kha Mizorama Political Party zawng zawngin an pawm a, tlawmngai pawlte pawhin an duh a, Zoram mipuite pawh an an lawm hle a ni, a ti.
Pu Zoramthanga hian, inremna thuthlung chu a rei telh telh ang a, a hlu tial tial dawn tih sawiin, hman deuh khan Sorkar laipuiin Hmarchhak bialte tana Special Category a pek \hin chu tihtawp a tum a, hemi chungchangah hian hmarchhak biala Chief Minister-te chu an inhmukhawm nghal a, khatah khan MLA pawh ni ve lo chunga an sawm angin a tel ve a, amah chu Prime Minister dawr tura an tih angin, MNF leh India sorkar-in inremna thuthlung an siam kha pawng bawhchhiat theih a nih loh thu leh Remna thuthlung bawhchhe mai tur an nih loh thu Prime Minister chu a hrilh tih a sawi a, anni tluka \anchhan nei \ha an awm lo tih sawiin, tun thlengin Special category nihna chu hum a la ni thei ta a ni a ti a, remna thutlung chu a hun taka hman tura Pathianin min pek a ni, a ti.
Chief Minister hian, Inremna neia an lo chhuak chu tute Party emaw, tute lal nan emaw a ni lova, he ram hi malsawmnaa Pathianin dah a, chumi hmanga a chanchin\ha hril tura min buatsaihna a ni a ti a, remna thlen theihna kawngah mi \angkai tam tak awm bawk mah se, tu emaw vanga inremna hi lo awm nilovin Pathian remruat liau liau a ni, a ti.
