He thu hi vawiina MNF Party Office Hnam Run-a an party zawm tharte a lawmluh pahin a sawi a, Pu Zoramthanga chuan, ZPM Leader Pu Lalduhoma’n tun hmain innghahna Principle neia kalin tunah chuan thil awmdan a zir, Issue base-in an kal tih a sawi a ni a ti a, engnge principle base leh Issue base tih pawh mi tam zawkin a awmzia an hriatpui tawh lo nia sawiin an mangang tal vel authawm mai mai niin a sawi. Pu Zoramthanga chuan, Pu Lalduhoma’n MPCC President Pu Lal Thanhawla a velh tur thu leh Congress Bhavan pawh a lilam tur thu a lo sawi tawh nia sawiin, a sawi ang ngeiin Pu Lal Thanhawla chu a vel ta a, engtikah emaw chuan Bhavan pawh a la lilam sak ngei a rinawm a ni a ti bawk.
Pu Zoramthanga chuan, ZPM leh Congress-in MP Candidate an tih chu an Candidate a ni thei lo nia sawiin, Mipui Candidate an vuah pawh mipui lamin an hriatpui lo niin a sawi a, an chhianchhiahna pawh hre lo an tam hle niin a sawi.
Pu Zoramthanga chuan an khingpuiten beihna tur an hriat loh avangin auhla berah CAB an hmang niin sawi a, CAB dodala bei nasa bertu chu an party nia sawiin amah chu Prime Minister leh Union Home Minister te hmaichhan ngeia hrilhtu leh Mizoram a\anga CAB duh loh avang Delhi thleng awm chhun niin a insawi. MNF Party zawm tharte chungchang sawiin Pu Zoramthanga hian ‘Pathian leh kan ram tan’ titute chu a tawpah Samak thi ang maiin an luangkhawm leh \hin niin a sawi.
Inkhawm hi MNF Treasurer Pu Vanlalzawma’n a kaihruai a, lawmluh zingah hian ZPM Sr.Vice Chairman Pu H.Zosiamliana pawh a tel a ni.
