MNF Preisdent Pu Zoramthanga’n kumin Parliament inthlanpui lo awm tur leh Mizoram a MLA, AMC leh District Council By Election lo awm tur atan a an party Candidate ngaihtuahtu tur Nomination Committee member tur te a ruat thar.

Nomination Committee member tharte ruatna hi tun thla ni 5 khan tih chhuah a ni a, Chairman atan Party President Pu Zoramthanga leh Secretary-ah Pu C Lalrammawia an pawl General Secretary ruat a ni a, Member te chu Pu Lalchamliana Home Minister, Pu Lalruatkima Rural Development Minister, an pawl National Core Committee member 2 Pu H Rammawi leh Pu D Thangliana te, Political Affairs Committee member ni lai Pu Lalthlengliana, an pawl Adviser Pu Liansuama bakah Elected OB ni lai te an ni.