He thu hi vawiina Hnam R<na inkhawmah sawiin Pu Zoramthanga chuan ni sa hnuaia mipui vote thlak tum dawhtheih taka awm te chu fakawm a tih thu a sawi a, inthlanna buaipuitute inpekna leh MPF te kaihhruaina avanga inthlanna felfai leh thianghlim a awm thei chu lawmawm a tih thu sawiin, bial hrang hranga an party tana theihtawp chhuaha hma la turte inpekna chu fakawm a tih thu a sawi bawk.
Pu Zoramthanga chuan, inthlan hun la hla deuh se chuan Congress chu an \hiah nasat hle a rinthu a sawi a, vote thlak tukah pawh mi thar an la lawmlut hial niin a sawi. Pu Zoramthanga chuan an khingpui zingah inti-thianghlim ber, Kohhran behchhan inti ber, fing leh fel ber nia ngai siin campaign nan \awngkam an duhtui lovin an duh \awp hle niin a sawi a, insawiselna chitin rengah an kal na hle tih sawiin kawng hrang hranga MNF beihna hmuh tur a awm vek nia sawiin amah chu nasa taka beih a nih thu leh a ni lohna thlenga beih a nih thu sawiin heti chung hian a bialah hnehna a chan ngei a beisei thu leh Pathian \anpuinain MNF-in thuneihna a chan ngei a beisei thu a sawi bawk.
Inkhawm hi an pawl Campaign Directorate Chairman, Pu R. Tlanghmingthanga’n a kaihruai a, Aizawl West III-a an Candidate Pu Vanlalzawma leh Hachhek biala an Candidate Pu Lalrinenga Sailo ten thu an sawi bawk.
