He thu hi vawiina Mamit-a Campaign beihpui thlakna inkhawm a hmanpuinaah sawiin Pu Zoramthanga chuan, Congress sum hman ban hmangin a theih ang angin hmasawnna hna an thawk nghal niin a sawi a, hun rei lo te chhunga an hnathawh Congress-in an pu ber hova an buaipui danah \ha an ti nia a lan thu sawiin MNF Sorkar chu mipuiin fuh an ti \an hle a ni a ti.
An khingpui ten Citizenship Amendment Bill dodal lo anga an puhna chu chhangin Pu Zoramthanga chuan, CAB an duh loh dan leh nasa taka an dodal zia hrechiangtu chu anmahni puhtute an ni a ti a, Chief Minister anih hnua Delhi-a a kal hmasak berah pawh Prime Minister leh Home Minister \um 2 hmuin CAB an duh loh thu a hrilh niin a sawi a, Cabinet Meeting leh Assembly Budget Sessionah pawh CAB duh lohna pass a ni a, CAB duh lohna kawngzawhah pawh Minister te an tel tih a sawi.
Pu Zoramthanga chuan MP leh AMC inthlanah ZNP in BJP an thawhpui a, Congress-in tunhmaa la thleng ngai lo Chakma Autonomous District Council-ah BJP an thawhpui bawk a ni a ti a, zu zuar sorkar thawhpui duh lo ZPM mi leh sa ten MNF an zawm mek niin a sawi.
Mamit bialtu MLA Pu H Lalzirliana pawhin thusawiin Mizorama Sorkar dinglai thawhpui thei tur MNF Candidate mipuiten an thlantlin a ngai niin a sawi.
