Hemi hnua thuthar thehdarhtute zawhna chhangin Pu Zoramthanga chuan, MNF chu ram neitu zu leh sa-in a tihbuai loh, ram economic dinhmun siam\hat tumtu a nih avangin mipuiin an vote tlin ngei a beisei thu a sawi.
Pu Zoramthanga chuan, sorkarna siam thei khawp MLA an neih ngei a rinthu a sawi bawk.
Vawiina chuh tuma hming pe luttute zingah hian Lunglei East biala Congress ticket-a ding tur, Pu Joseph Lalhimpuia MLA ni lai leh Lunglei South-a Congress ticket-a ding tur, Pu C. Lalnunthara te an tel a ni. Thorang biala ding turin NPP ticket-a ding turin Pu Lalhuliana pawhin a hming a pe lut a, Lunglei Sub Hqrs. MNF President hlui, BJP zawm ta, Pu Joseph Lalzawmliana pawhin he bialah hian BJP ticket-a ding turin a hming a pe lut a ni.
