December ni 15-a lakluh MNF sorkarin hnathawhna hun thla 3 chhung vel chauh a la nei chungin Mizoram tana hmasawnna hrang hrang a thlente chu ropui an tih thu an sawi a, President Pu Zoramthanga, Chief Minister kaihhruai National Executive Committee hian resolution pass-in MNF sorkar in Kohran leh khawtlang duh loh zu a khap nghal te, District thar pathum Saitual, Khawzawl leh Hnahthial siam nghal a ni te, khawpui laili a\anga Assam Rifles sawnchhuah a nih theihna tur tihfel a ni ta te, kum 10 chhung Congress sorkar siam\hat theih loh Zoram dung tluana kawng siam \hat a ni ta te, Lirthei chhiah Life Time Tax pek dan tih danglam a ni nghal te, thisen man mipuiin an chawi \hin tihtawp a ni nghal te, School kai hun Mizo nunphung mila siam rem a ni ta te leh zirtirtu thahnem tak lak thar tura ruahman a ni ta te, Zohnahthlak inpumkhatna tura Manipur, Tripura leh Myanmar-a Bus service tir tura hmalak a ni te, Mizoram tana \angkai tak tak tur Bill 19 passed a hman a ni te, Police \hahnem tak la thar tura ruahman a ni te, Stadium panga din tura sawifel a ni ta te, Power Supply hnianghnar zawkna tura Transformer lian 25 MVA pahnih chah thlen a ni te leh Congress sorkar-in a kalpui hleih theih loh Health Care Scheme puitham taka kalpui mek a ni te hi a ropui tak zet a ni, an ti.
Pangang puang, Fall Armyworm-in vaimim chingtute thlai nasa taka a suat chu pawi an tih thu leh hemi do let tura Agriculture Minister hova hmalakna chu lawmawm an tih thu te, sorkar-in phungbawma Central YMA sawma hma an la ho te chu lawmawm an tih thu an resolution pass ah hian an tarlang bawk a, Chief Minister Pu Zoramthanga leh a kaihhruai sorkar-a Minister te, MLA te, Board Chairman-te leh Committee peng hrang hrang te hmalak tawhna te chu chhuanawm an tih thu leh Mizoram kaihruai zel tura an rin tawk thu Resolution an pass ah hian an tarlang bawk a ni.
