MNF party in Lok Sabha inthlanna leh Aizawl West-I Assembly bial bye election-a an candidate tur tifelin naktukah an puang dawn a, Congress party leh ZPM ten thawk duna mipui candidate siam turin inremna an siamfel bawk.

MNF party nomination committee hruaitute hnen a\anga Zonet thudawn danin Mizorama Lok Sabha seat khat atan leh Aizawl West I Assembly bial bye election April ni 11-a neih tur atana an candidate tur hi naktuk chawhnu dar khatah Chief Minister, Pu Zoramthanga, an party Nomination Committee Chairman ni bawk chuan an party office Hnam Runah a puang dawn a ni.

Vawiina MNF Party Nomination Committee \hutkhawmnaah hian Chairman, Pu Zoramthanga bakah an party Vice President, Pu R. Tlanghmingthanga, Dr. R. Lalthangliana, Treasurer, Pu Vanlalzawma, Pu Lalruatkima, Pu Rammawi, Pu Liansuama, Pu Lalthlengliana, Ex MLA leh Pu D. Thangliana Ex MLA te an tel a ni.