MNF President, Chief Minister Pu Zoramthanga chuan India siam a nih laiin Mizoram a tel ve lo a, hmarchhak bial hrang hrang te, Kasmir-te thlengin inhre ngai lo kha India-ah min chhungkhawm a ni a ti a. Ram a buai dawn khan Pu Laldenga’n sipai nena che chhuak lo turin a ngen lawm lawm a, phone-a biak a tum pawhin Assam Chief Minister in a chhang duh lo a, Sipai chakna hmangin ralthuam hrang hrang nen, Jet Fighter-te hmangin min rawn bei ta a ni a ti. Pu Rama hian Mizoram buaina chu Lalpa remruat a lo ni zawk a ni a ti a, an duh emaw duh lo emaw Hnam Thuthlung chu thisena bualin Zoram chu kum 20 chhung min baptist ta a ni a ti a. Nagaland leh Manipur-te ang ni lovin mizote chuan na taka beih an tawk bik nia sawiin Mizo Nationalism chu a zika sih chhum a, uphlum vek an tum a ni a ti a. Kum 20 hnuah khawvel entawntlak remna a lo awm ta a ni a ti.
Mizo Hnam Run-a National Day an hmanna inkhawm hi Vice President Pu Lalthlengliana’n a kaihruai a ni.
