He thu hi vawiina a bial chhung Zotlanga an party Political training buatsaihah a sawi a, Pu K Sang\huama chuan, khua leh veng tinah Congress hruaitu lawk leh an party a mi \angkaite pawhin Seal te dahin an chhuahsan zel niin a sawi a, an hotuten an boruak a \hat thu sawi \hin mahse an mipui te pawhin an awi sak duh tawh lo niin a sawi. Pu K Sang\huama chuan, Congress Sorkar chu kawng siam leh leidawh hlawhchhamah a puh a, Congress sorkar hnuaiah hnamdang Contractor ten hna tam tak an thawh laiin Mizo Contractor ten harsatna nasa tak an tawk thung nia sawiin, hnamdang Contractor hnathawk \ha lo te pawh thunun thei loah a puh a. Assembly inthlana thuneihna an chan chuan an siam \ha vek dawn nin a sawi a, Zotlanga Sport Complex chu tun aia changtlung zawk leh \halai ten an chhawr theih tura thuam an tum thu te, veng chhung inkalpawhna \ha zawka siam an tum thu te a sawi bawk.
Inkhawm hi Zotlang MNF Unit Vice President Pu H Laldingliana’n a kaihruai a, an party zawm tharte Pu K Sang\huama hian a lawmlut nghal a ni.
