He thu hi Serchhip leh Tuikum bial khaw \henkhata an party MP Candidate Pu C Lalrosanga a Campaign puinaah sawiin tunhnaia Assembly \hutkhawmah pawh a dodal nan ‘The Mizoram Maintainance of Household Register pass’ chu pass a ni a ti a, Congress kum 10 a Sorkar chhungin kawng tinrengin mipui an mangang nia sawiin, MNF sorkar thar chu mimal leh Kohhran \awngtai chhanna niin a sawi.
Pu Lalruatkima chuan MNF sorkarin hun reilo te thu neihna an chhan chhung pawhin danglamna nasa tak an thlen nia sawiin, Congress kum 10 Sorkar chhunga kawngpuia lirthei tang \hin chu kawng chhiat vang a nih \hin laiin tuna Lirthei tang erawhchu kawng siam\hat mek nghah ngaih vang a ni ta zawk niin a sawi. Pu Lalruatkima chuan, mipuite duh loh zu zawrh pawh an hnungkhirh \an mek tih a sawi a, Academic session thar a\anga hman \an turin School kai hun pawh tihdanglam a nih thu te, Congress in an tihtawp tawh Chini pawh thlathar a\anga sem a nih tur thu leh Traffic Jam pumpelh nan kawng chhawng siam nan provisional fund cheng vaibelchhe za chuang an hmuh tawh thu te sawiin an beisei phak bakin Pathianin mal a sawm a, tun \um Lok Sabha inthlan turah pawh mal a sawm ngei a rin thu a sawi.
MNF in BJP a thawhpui nia mi\henkhatin an puhna chungchang chu chhangin Pu Lalruatkima chuan, Congress ni lo lam zawng intelkhawmna NEDA ah ZNP, MPC, MDF leh MNF chu an tel tlang vek tih a sawi a, MNF chu BJP thawhpuiah an puh tlat bik tih sawiin MNF hian eng inthlanah mah BJP ala thawhpui ngai lo tih hrechiangtu chu Zoram mipui te an ni a ti a, Aizawl North-III MLA bye-election leh AMC inthlanah ZNP in BJP an thawhpui a, Congress-in CADC-ah BJP an thawhpui a, BJP thawhpui zawk chu an chiang hle a ni a ti.
Lok Sabha-a an party Candidate Pu C.Lalrosanga chu Mizo mipui aiawha Delhi tlanga Tualvungi ko thiam Vahui dik tak tur nia sawiin, party dang candidate te chu Choak leh Tlaiberh ang bak an ni dawn lo niin a sawi.
