MNF Legislature Party Dy.Leader Pu Tawnluia chuan, Larsap hnenah sorkar an siam theih thu an hrilh tawh niin a sawi a, tun kar ni 15-ah sorkar thar lakluh a nih theih nan hmalak a nih thu a sawi. Assembly inthlan zawh taka hnehna an chan chungchangah zoram mipuite hnenah lawmthu sawiin Pu Tawnluia chuan, an party Election Directorate-te nen thawhhona \ha tak an nei leh an hmalakna chu \ha a tih thu a sawi bawk.
Election Campaign Directorate Chairman, Pu R. Tlanghmingthanga pawhin thusawiin Assembly inthlan zawh taka \hahnemngai taka thawhhona \ha tak an nei chu lawmawm a tih thu a sawi a, hetihrual hian ram neituten ram tana an thawhonaah lawmthu inhrilh bik tur an awm loh thu a sawi a, an party chuan sorkar hmasa thil tih \hat leh hmachhawp \ha te chu an hlamchhiah dawn lo niin a sawi a, MNF-in thuneihna a chan laia an thil tih \ha hluihlawn tawhte pawh an chhunzawm dawn niin a sawi. Pu R. Tlanghmingthanga chuan, thuneihna an chan hmasak khan tih tur ngaihtuah chawpin term khat an hmang ral niin a sawi a, tunah erawh chuan Dr. R. Lalthangliana hovin mithiam rualten sorkar tuka tih nghal tur SEDP kan duang sa vek tawh a, Party leh Legislature \ha taka inzawmna neih chu an kalphung tur a nih tih sawiin Pathian an dah pawimawh hmasa ber dawn a, Mizo Nationalism \ha takin an kalpui dawn niin a sawi bawk.
Inkhawm hi Election Campaign Directorate, Pu K. Vanlalauva’n a kaihruai a ni.
