MNF Party Election Campaign Directorate Chairman Pu R Tlanghmingthanga’n Assembly inthlanpuiah Candidate inbeisei chang ta lo te pawhin an party candidate te \ha takin an thlawp niin a sawi a, hei hi MNF ze dik tak lan chhuahna a ni a ti.

Vawiina an party office, Mizo Hnam Run chhung inkhawmah thu sawiin Pu R Tlanghmingthanga chuan, candidate ruat chungchangah Nomination Committee-te an inlungrualin, ngaihdan ni chiah lote pawhin party hotute thutlukna lungrual takin an pawmtlang thei a ni a ti a, bial hrang hranga candidate nih inbeisei te chu candidate ni ta te aiin an tam fe zawk a, chuti chungin vuivaia titau zui an awm lo niin a sawi a, an party President Pu Zoramthanga kaihhruaina chu a fakawm hle niin a sawi. Pu R Tlanghmingthanga chuan, Mizoramin zalenna a neih theih nan Hnam Sipai ten ralthuam hmangin an lo bei tawh a, Mizo Hnam, Sakhua leh ram leh hnam humhalh turin theihtawp chhuaha \an lak zui zel a ngai a ni a ti bawk.

Inkhawm hi an pawl Adviser Pu Rualkhuama’n a kaihruai a, Aizawl North III Candidate Pu C.Lalmuanpuia leh Dampa bial Candidate Pu Lalrintluanga Sailo-ten report an pe bawk.