MNF Party chuan Mizorama Higher Secondary School 9 Lumpsum Grant-In-Aid dinhmuna hlangkai thuai turin Mizoram sorkar an phut. An party Office Bearers nimina Hnam R<na neihah resolution pass-in MNF Party chuan Mizoram sorkar chu Higher Secondary School 9 ten Lumpsum Grant-In-Aid dinhmuna hlankai an dilna chu heng school te hi kum 9 an din hnuah pawh sorkarin dinhmun \ha zawkah a hlangkai thei lo chu pawi an tih thu sawiin Adhoc Aided School engemawzat la awm te pawh dinhmun \ha zawka hlangkai turin sorkar an phut a, College-ah leh Higher Secondary School-a admission harsa chu nu leh pa leh zirlaite tan buaina lian tak thlentu nia sawiin, a sutkian dan ngaihtuah turin sorkar an phut a ni. CSS hnuaia Hindi zirtirtu mi 1,305 sorkarin a lak chawlhtir leh tak te chu rawih chhunzawm leh an nih theih dan tur te, SSA hnuaia Zirtirtuten hlawh mumal taka an lak theih dan tur te ngaihtuah turin sorkar an phut tih an tarlang bawk a ni. MNF Party OB Meeting hian Post Graduate zirlai sang chuangten Scholarship tun thlenga an la la thei lo chu rang taka pek dan ngaihtuah turin sorkar a phut bawk a ni. MNF Party hruaitute hian Mizorama sawhthing chingtuten an sawhthing hralhna hre lovin an dah \awih mek niin a sawi a, inthlanna neih huna an party-in sorkar a siam chuan Socio Economic Development Project hmangin sawhthing chingtute awmze neiin an enkawl dawn niin an sawi bawk a ni.
