He thu hi Mizoram chhim lama Campaign beihpui a thlaknaah sawiin Pu C Lalrosanga chuan, tun hmain Pathian thu avangin zoram dung leh vang fangin a fehchhuah \hin tih a sawi a, MP Candidate a nih takah chuan a rawngbawlna kalkawng chu herremin a awm ta niin a sawi. Pu C Lalrosanga chuan Mizo mipuite duh loh CAB a tlang lohna turin a duhlo lamah ban a phar dawn tih a sawi nawn a, Mizoram, hnam leh Mizo sakhaw tana him lo tur Sorkar laipui a\angin a ni emaw, khawi a\ang pawha thil thleng a awm chuan a tawp thlenga dodaltu \angkai tak nih a tum tih a sawi bawk.
MNF Legislature Party Secretary, Revenue Minister nibawk Pu Lalruatkima pawhin thusawiin, MP Election hmasa a Congress au-hla chu MP atan chuan kum upa, senior, experience nei \ha tih a ni a, tunah tuai thar an candidate leh a, \halai an \ha an ti leh thung a, \anhmun mumal pawh an nei lo a ni a ti.
Pu Lalruatkima chuan MNF a sorkar rualin thinlung leh tihtak zetin hna an thawk nghal niin a sawi a, neitu dik tak ten hna an thawh dawn avangin MNF hna chu a \ha hle tur a ni a, hna \ha tehkhin nan MNF chu an hmang tur a nih tih chu an party mipuite rilru tur a ni a ti.
