Vawiin-a Congress Bhavana political session neihah he thu hi sawiin, Pu Lal Thanhawla chuan, MNF MP Candidate-in hetiang thu a sawi ta mai chu dawt zirna school-a zirtirtute zinga a awm tak vang nia a ngaih thu leh a sawitu ngei pawhin a thusawi chu a pha leh chu zahthlak a tih thu a sawi. Nationalism chu hmuiah a awm lo a, thinlungah zawk a awm zawk tih sawiin, Pu Lal Thanhawla chuan, Mizo nationalism sawi \hintute chu sawi tlak an ni tawh lo a. Mizo nationalism sawi \hintute chuan June ni 25, 1986 khan vai lalpa Arjun Singh-a hnenah ziakin, India ram nun nawlpuia inchhunluh vek an lo tiam tawh niin a sawi.
Pu Lal Thanhawla chuan Assam Rifles sawn chhuah chungchangah tute emaw thang\hat lak tum awm tih sawiin, Mizoram remna leh muanna lawma Prime Minister Rajiv Gandhi Mizorama a lo zin khan mipui hmaah Aizawl khawpui atanga Assam Rifles sawn chhuah tur thu a lo puang tawh a, chumi bawhzui chuan hmalak chhoh zel a ni a, tunah a lo puitling thei dawn ta niin a lang chu a lawmawm hle a ni, ti a. Pu Lal Thanhawla chuan, Congress President Rahul Gandhi-an tun hnaiah Congress an sorkar chuan India rama mi rethei chhungkaw tin bank account-ah kum tin Rs.72,000 thun a nih tur thu a sawi chu mi harsate tan a \angkai dawn hle a, Lok Sabha inthlanpui neih turah Congress Party-in hnehna a chang a nih chuan Mizorama mi retheite pawhin he thil hi an chang ve dawn tih a sawi.
Vawiina Congress party political session hi MPCC General Secretary Pu C. Lalpianthanga’n a kaihruai a ni.
