Vawiina Aizawl Press Club-a chanchinbumite a kawmna ah Pu Liansuama chuan
ZPM intite chu Party hrang hranga nihna nei, Politics-a an party mal ang a din khawchhuah beisei lote kalkhawmin an din niin a sawi a, ZPM anga ding te chu Independent candidate vek an ni a, mahni bial vil lawk pahnih khat bak an awm lova, Candidate an puan pawhin Constituency hrang hrang mipuiin an bial candidate tur an hmelhriat lo fur a ni a ti a, India danpui kalha lalthutthlenga \hut tumte an ni a ti.
ZPM candidate te chu Independent candidate vek an nih avangin, mipuiin an thlang tling anih pawhin indenpendent MLA khawi party mah zawm thiang lo awmkhawm an ni dawn niin a sawi a, India constitution Art 164-na tlawhchhana Ministry siam \hin chu pehhel tumin Val Upa council-in Chief Minister leh Minister-te an portfolio nen lam ruatsak an tum nia sawiin, hei hi dan kalh a ni a ti a. ZPM chu \ha awm taka lang mahsela bulbal nei lo an ni a ti. Pu Liansuama chuan Independent MLA tam tak neih chu Mizoram tan a him lo nia sawiin, BJP leh Party dangte’n an thlem kawi thei dawn niin a sawi bawk.
Pu Liansuama chuan Congress sorkarah hmasawnna a chawl nia sawiin, nawr kal leh turin MNF sorkar din a \ul niin a sawi a, Congress sorkar-ah corruption a nasa hle nia sawiin, Zo Carbon, Lottery sum bo, Sunshine Oversies-a share neih, Dihmunzawl In \hiah man to uchuak, SIPMIU Ekin man to leh thil dang tam tak congress party in an sawifiah theih loh a awm niin a sawi a, Congress sorkara hotu pawimawhte chu hnamdang company-te nen sam inphiar zawma chhuichhuah hleih theih loh, document awm thei lo chia nasa taka mipui sum eiruah a puh bawk. Pu Liansuama chuan MNF-in sorkarna a chan chuan mipui zawng zawng huap SEDP hmangin mipuite dinkhawchhuah ngei ngeina turin hma an la dawn niin a sawi a, thuneihna semzaiin, mipuite hnenah thuneihna sang tak a pe dawn nia sawiin, langtlang sorkar, ram leh hnamin hun thim ber a tawh lai pawha chhuanlam siama insawifihlim tum ve mai lo, ‘mipui harsatna chu kan harsatna a ni’ ti ngam sorkar an din dawn niin a sawi.
